legalise

http://justpaste.it/Sweden_Legalizes_Cannabis

“Не сакаме да ги направиме истите грешки како САД. Не сакаме да бидеме прохибиционисти затоа што војната против дрогите е одамна изгубена. Подобро би било да се спречи маргинализацијата на конзументите, отколку тие да се затвораат за користење на дрога која е практично безопасна. Ако дозволуваме продажба на алкохол, не постои причина да се забранува канабисот.”

Шведското законодавство најавува дека марихуаната од следната година ќе може да се набави од аптеките, без рецепт, се разбира доколку имате 18 години. Едно лице ќе може да поседува до 200 грама сушена марихуана. Домашното одгледување ќе биде дозволено во ограничени количини.

Шведската влада како и многу други европски влади, во овој случај е прагматична и рационална. Не поради марихуаната, туку поради самата спремност да укине догма која воглавном се базира на лаги и негативна пропаганда. Ваквата спремност ја гледаме кај се повеќе Европски земји. Ама за жал кај нас не. Нашата  власт статутарно е конзервативна. Но, не е проблемот во конзервативноста. Многу европски конзервативни влади донеле либерализација на ова поле. Проблемот е во ирационалноста, инертноста и запоставувањето на слободите за сметка на морализаторските походи. Не е за очекување дека нешто прогресивно ќе се случи во полето на граѓанската слобода општо. Барем не со оваа гарнитура на политичари. На крајот на краиштата по количината на слободи ние сме некаде при европско дно, така што борбата за легализација на марихуаната е само мал дел од сето она што треба да го постигнеме за да ги стигнеме европските нивоа. Се разбира, ако воопшто сакаме да ги стигнеме. Ако не, кажувајте на време.

http://kurir.mk/svet/vesti/50707-Svajcarija-ja-legalizirase-marihuanata

“Во Швајцарија од 1 јануари ќе стапи во сила законот кој е познат како Латинска спогодба, за легализација на одгледувањето на марихуана во домашни услови, кој има за цел да се спречи илегалната продажба на лесните дроги.”

Дозволува домашно одгледување на максимален број од 4 стебла, што патем е повеќе од доволно за лични потреби. И сето тоа со цел да ја спречи нелегалната трговија со марихуана и да ги заштити корисниците од црниот пазар.  Со дозволеното домашно одгледување нарко дилерите губат профити и огромен дел од нив ќе останат без бизнис.

И пак досадните прашања? Каде сме ние? Дали на некого од вишите инстанци му одговара нелегалната трговија? И зошто прашањево упорно се избегнува? Зошто законот не е прецизен и нема дистинкција помеѓу лична употреба и производтсво и пуштање во промет?

Ама ете Швајцарија е таму некаде, во трулата Европа, со трули евроболшевици. А ние сме тука, во забрефтаната машинерија на прогресот која непрестано од својот старт нешто забранува, озаконува, врамува. Згора на се и се грижи за нашето здравје, морал, однесување, па дури и за личните ставови и вкусови.  Па така, не очекувам нашава власт да дозволи одгледување за лична употреба. Видете ги Холанѓаните како пропаѓаат како нација. Чесите исто. Данците… Сега ќе отидат и Швајцарците. Грците отидоа пред да легализираат ама ај. Цела Европа се распаѓа луѓе мои, а вие сакате европски вредности и четири саксии за по дома. Немогуче!

Браво за Швајцарците

Малку оф топик тема.
Последните недела дена имаше неколку акции на МВР насочени кон сузбивање на проституцијата. Се започна од клубовите во тетовско, а се заврши со чистење на Pimps N Hoes од пред дворот на МВР. Овие акции ќе продолжат со несмалено темпо, но и покрај тоа проституцијата ќе продолжи да вирее како и секоја друга гранка на криминалот.
Оваа серија на акции не е ништо повеќе од борбата на власта против малите малите задоволства на обичните граѓани. Морализаторската манија која ја зафати нашава влада побудена од христијанските вредности започна со забрана за продавање алкохол после 19 часот (идиотски термин), па продолжи со забрана за пушење во јавните локали, обид за забрана на абортусот, па забрана за секс на јавно место и сега завршува со чистење на најстариот занает.
Забраната е нај рудиментарен облик на борба против некое општествено зло, но да се запрашаме дали овој начин е ефикасен и што е всушност злото на проституцијата. Моралните димензии во врска со платениот секс се релативни и имаат иста тежина со предбрачниот секс, обљубата и слично. Нив ќе ги оставиме на страна. Вистинското зло на проституцијата лежи во сексуално преносливите болести, проституцијата под присила и робовскиот, неретко насилен однос помеѓу макрото и работничката. А овие зла се тука токму поради тоа што проституцијата се наоѓа во сферата на криминалот. За разлика од холандскиот или германскиот макро кој е нормален бизнисмен, редовно ги носи вработените на лекарска контрола, им плаќа персоналец, плаќа данок на профитот и придонесува кон државното GDP, нашиот макро е приморан да дејствува во подземјето кадешто единствен начин да ги задржи своите работнички се ќотекот и хероинот. Само да потсетам дека владата во Германија која ја легализираше проституцијата беше демохристијанска. Да, дури и христијанските вредности можат да бидат флексибилни доколку се работи за прагматично решение на проблемот.
Ниедно општество не пропаднало поради “морална ерозија”. Библиските приказни за пропаста на Содома и Гомора, Вавилон, Рим и сл. се само негативна пропаганда на поробените против поробувачите. Нашата влада, поаѓајќи од оваа христијанска теза сака да воведе морални начела, да ги зачува семејните вредности, бла, бла… Но, тоа само изгледа така гледано од страната на еден христијански покорник. Од друга страна, што е со луѓето кои поради својот изглед или инвалидитет неможат да најдат партнерка и единствен начин да имаат секс е да го платат. Дали во едно вакво општество тие ќе бидат осудени на апстиненција како “сексуално неподобни”? Во Холандија на пример, на инвалидите без партнерка државата им плаќа сексуални средби еднаш месечно. Ова не е знак за морална ерозија, туку напротив, знак на многу напредно и либерално општество кое ги заобиколува застарените етички парадигми поради хумана практичност. Ги заобиколува од проста причина што денешниот свет е во секој поглед дијаметрално различен од светот пред две илјади и кусур години.
И на крајот, статистиките велат – Што по драконски закони против проституцијата, тоа по сурови макроа, поголема опасност од трговија со бело робје и поголема опасност за конзументите. Излегува дека сето ова се прави со единствена цел – Шоу за покорните верници.
Enjoy the show

http://greece.greekreporter.com/2011/08/02/decriminalization-of-drug-us/

Една од најконзервативните земји во европа каде што црквата сеуште не е одвоена од државата направи исчекор кон легализацијата на лесните дроги. Новиот предложен закон во Грција предвидува декриминализација на марихуаната (за останатото незнам) и тоа за количина која се смета за лична употреба. Грција важеше за земја со нај драконски закони кои се однесуваат на  марихуаната. Досега доволен беше само еден џоинт за да завршите една до две години во затвор.

Причините за ваквиот изненадувачки чекор можам само да ги нагаѓам. Најверојатно сето поаѓа од економската криза што ја тресе Грција, а една од најпрофитабилните гранки таму е секако туризмот. И нели, бидејќи поголемиот дел од туристите во Грција доаѓаат од европските земји кадешто марихуаната е декриминализирана, нормален и логички чекор на грчките власти би бил да се направи се што е потребно за тие да се чувствуваат еднакво слободно како и дома. За да дојдат пак нели? Факт е дека многу туристи од западот ја одбегнуваат Грција токму поради тоа што несакаат да завршат во малака затвор само поради еден џоинт. Кај нив дома тоа е незамисливо!!!

Во случајов, грчката влада можеби ќе ги изгуби симпатиите на црномантијашите со крстови и конзервативните локачи на узо, ама ќе ги придобие туристите. Јебига, поисплатливи се.

Како е кај нас? За жал сеуште ниедна политичка партија го нема ставено проблемот на разгледување, додека пак владата јасно и гласно, преку своите дебилни пропагандни спотови ни даде до знаење дека се додека се тие на власт од марихуана ќе може да се умре, дали од алфашки ќотек или во затвор не е битно. Проблемот би можел да се лоцира во тоа што во Македонија има премногу конзервативни гласачи. Оние кои на споменување на легализација и марихуана во иста реченица реагираат како да сте им опцуле мајка. Политичарите едноставно не сакаат да ги налутат овие верни следбеница и покрај тоа што нивниот став во врска со сево ова се темели на чиста глупост и неинформираност. Но, дали навистина имаме процентуално повеќе закоравени гласачи од Грците? Незнам каква е статистиката, но би сакал да верувам дека немаме. Било како било, преродбава се труди закоравените да останат закоравени пласирајќи им пропаганда која била актуелна во САД триесетите години. И така кај нас марихуаната стана политичка алатка. Таа е страшната тревка на Душко млекарот, на комуњарите, хипиците, на скопските педерчиња и офицерските внучиња.

Но, што да се прави во држава во која власта се додворува на комунистички воспитаните пензионери кои се “диват” на морбидните спотови на владата додека го кркаат своето редовно лексилиумче(или дијазепамче) пред спиење. Квалитетното спиење за нив е од исклучителна важност, особено ако следниот ден е вторник или петок.

А ние дегенерираните пафкачи либерали отсега па натака одиме во Грција за да си поминеме топ викенд без Алфи на вратот.

Одличен документарец за сите конзервативни хејтери.

THC (тетрахидроканабинол) и CBD (канабидиол) се главните и најприсутни активни компоненти на цветната смола од конопот. THC во чиста форма е силен психоделик и психотомиметик додека CBD e инхибитор, аналгетик и антибиотик. При конзумирањето на марихуана, THC e одговорен за хајот и хајпот, додека CBD е антагонист на THC и ги произведува ефектите на релаксација и устонираност и најважно од се ја инхибира паничната и понекогаш психотична реакција од чистиот THC. Различните видови на коноп имаат различен баланс помеѓу THC и CBD. На пример Cannabis Sativa содржи повеќе THC од CBD што го прави хајот поенергетски и произведува силна еуфорија. Наспроти сативата, Canabis Indica (хашиш) содржи повеќе CBD, што го прави хајот по стоунерски, односно произведува ефекти на поспаност, мрзеливост.

Одгледувачите на рекреативна марихуана ги вкрстуваат различните подвидови за да го зголемат хај ефектот кај конзументите, а со тоа и да зголемат цената на својот производ. Ваквата селектирана и генетски модифицирана марихуана се нарекува Сканк и е главна атракција во холандските кофи шопови. Но, тука се јавува и проблемот. Сканкот се посочува како високо ризичен за личности склони кон психоза, поради тоа што некои видови на Сканк содржат чист THC, без речиси никаква количина на CBD. Отсуството на CBD како инхибитор го прави хајот многу по психоделичен и ги зголемува шансите неискусен конзумент да западне во паничен напад, па дури и да предизвика психотична епизода кај лабилни личности. За споредба, кај природна марихуана овој ризик е драстично помал, бидејќи смолата го има оптималниот баланс помеѓу THC и CBD. Природата знае најдобро нели.

Од друга страна улогата на CBD во смолата на конопот отвара нови можности за медицината. CBD како природен антипсихотик може да биде далеку поефикасен и побезбеден од синтетичките лекови како Халоперидол, Дроперидол и други. Првенствено поради тоа што мозокот на цицачите има природно наследени рецептори за канабиноиди. Па така, за разлика од синтетиката, CBD неможе да создаде зависност и има исклучително мал број на несакани ефекти. Да не споменувам и дека не е смртоносен и може да се конзумира во природна форма. Истражувањата на ефектите на CBD одат до таму што голем број на невропсихијатри го посочуваат како можна најефективна терапија во справувањето со симптомите на најтешките облици на шизофренија. Но, тука не станува збор за пакување на CBD во таблети, туку за одгледување и конзумирање на видови на коноп кои имаат многу повеќе CBD од THC. Дури и обична Сатива може да се направи да содржи повеќе CBD ако се остават цветовите да презреат.

Но, да се вратиме на темата што се вика Сканк. Иако на прв поглед не изгледа така, опасноста од сканкот секако дека оди во прилог на легализацијата. Кога купувате марихуана со непроверен квалитет од нелегален извор, шансите да налетате на сканк или марихуана испрскана со опијати  (ми ставија дрога во марихуаната) се многу поголеми. А со тоа се зголемуваат и шансите да настане куршлус во вашата глава.

Редукцијата на штетност (Harm Reduction) на што се темели целата фарса околу нелегалниот статус на женскиот коноп, не треба  да се спроведува со заплашување, ќотеци, апсења и јавно стигматизирање. Иако не постои официјална статистика, според моите посматрања во Македонија постои огромен број на редовни конзументи на марихуана. И голем дел од тие луѓе се одговорни и совесни граѓани. Вистинскиот Harm Reduction е оној кој ќе им овозможи на конзументите подобра информираност, без лажги во облик на напушени тинејџери што обиваат коли и газат деца. Ќе им овозможи да изберат каков производ ќе конзумираат и ќе ги заштити од валканите трикови на црниот пазар.

Пред да започнам со правилата и советите би сакал да појаснам што значи принципиелен конзумент. Принципиелниот конзумент не конзумира марихуана поради статус во друштвото, не конзумира поради фраерлук и најважно од се не ја конзумира за инат. Принципиелниот конзумира само поради тоа што е љубител на марихуаната и го сака нејзиното дејство. Исто како што љубителот на вино сака на раат да си пие и да ужива во својата страст. Принципиелниот конзумент е примерен граѓанин, коректен во односот со луѓето и околината. Тој не го крши законот на ниеден начин, освен се разбира што поседува и конзумира марихуана.

“Си дуваме со жена ми пред да отидеме во кино или во театар. Некогаш се собираме со друштво кај некого дома, дуваме џоинт и играме карти или монопол. Само станува се потешко да се дојде до марихуана. Кога бев помлад беше полесно, но сега на триесет и кусур тешко се наоѓа извор. Не сме веќе во тие кругови. Друго е што ќе ми биде многу непријатно полицијата да ме фати кога набавувам или да ме распрашуваат зошто ми се ризлите. “

Вака се исповеда еден наш анонимен успешен деловен човек со магистерска титула, вработен во една од добро стоечка компанија. Би рекол дека илустрира типичен пример на принципиелен конзумент.

За мое изненадување во последните години открив дека има преголем број на примерни граѓани и успешни луѓе кои чуваат ваква “мрачна тајна” и редовно си конзумираат марихуана. Единствениот проблем е што само поради еден пронајден џоинт можат да завршат во затвор, да бидат јавно стигматизирани, избркани од работа и сл. За да не се случува ова пожелно би било…

- Избегнувајте да конзумирате коноп во јавен простор!

Ова е едно од основните правила. Конопот е нелегален, а исто така и конзумирањето во јавност. Темен парк не значи дека сте безбеден од органите. Ако не сте во можност да најдете приватен простор за конзумација и морате да го правите тоа надвор од дома, тогаш избегнувајте излегување со поголеми групи од луѓе. Гласна толпа привлекува внимание.

- Не носете повеќе од еден џоинт кога излегувате на провод. И во вас и во вашиот автомобил.

По правило не би требало да носите со себе ни малку, но сите знаеме дека ситуациите некогаш се такви. Доколку ве фатат со еден  џоинт можеби ќе поминете со мала малтретажа и одземање на истиот, но ако ви фатат многу џоинти…

Во секој случај, доколку згусти, многу полесно ќе биде да изедете еден џоинт отколку три.

- Не носете ризли со вас, ако немате потреба од нив.

Ризлите се легални и се продаваат во трафика. Нема да ве уапсат за ризли, но сепак се индикативни.

Ако не носите тутун со вас, поседувањето на ризли за мотање, може ако ништо друго да го натера органот да почне да се однесува како Џон Вејн. Доколку се случи тоа не попуштајте на понатамошни инсистирања од нивна страна да одговорите на прашања: За што ви се ризлите? Кој ви дава марихуана? И сл. Се што имате на вас е легално и тие немаат право на понатамошни распити во врска со предметите што ги поседувате. По таа логика вие сте сомнителен и ако купите запалка или ќибрит. Можеби сте пошле да запалите бензинска нели?

Кофер као кофер, празан…

Сепак за да се избегнат вакви немили натегања со органите, не ги заборавајте ризлите во некој џеб. И внимавајте кога купувате. Наместо да ловат шприцеви, хероини, амфетамини и слични смртоносни хемии, органите во цивилка неретко штекаат околу трафики и гледаат кој купува ризли. Тажно нели.

http://www.intche.org/

http://www.cannabizz.cz/

Ете има и тоа. Огромни интернационaлни саеми на марихуана. Првиот се одржува во Сан Франциско моментално,  а другиот беше во Прага пред десетина дена. Па ако на некој му е збоктисано од пиволенди, пивофести, виноленди и слични алкохоличарски баханалии, следната година пасошот и правец Прага (Сан Франциско е троа далечку). Чисто да видиме ние Македонците нешто друго од она што ни се сервира дома. Се надевам дека на некоја туристичка агенција ќе и текне каков профит може да има од организирање тури на вакви на настани.

За лековитите својства на  марихуаната се знаело уште пред самите почетоци на цивилизацијата. Современата медицина дури денес почнува повторно да ја открива медицинската примена на цветовите на конопот. Заблудата која е градена речиси цел век полека но сигурно почнува да избледува под налетот на вистинската наука. Секое следно истражување открива некоја нова медицинска примена на марихуаната, а сведоштвата на пациентите го кажуваат своето.

Резултатите од третманот со марихуана се изненадувачки позитивни и во голема мера ги преминуваат оние на синтетичките медикаменти. Хроничната болка е еден пример каде што марихуаната постигнува видливи резултати кај пациенти кај кои опијатите не постигнуваат речиси никаков ефект. Истражувањата покажуваат дека состојките на марихуаната го инхибираат растот на клетките на туморот. Исто така помагаат кај пациенти кои се под хемотерапија со тоа што ги намалуваат непријатните и неретко погубни ефекти на цитостатиците.  Докажано е дека марихуаната е исклучително ефективна кај третманот на глаукома со тоа што го намалува очниот притисок. Исто така е најмоќниот познат антидепресив

Вака можам да набројувам до утре. Видеата го кажуваат своето, но би напоменал дека покрај поголемата ефективност од синтетиката, марихуаната не создава зависност и толеранција како кај поголемиот дел од аналгетиците и антидепресивите. Кај марихуаната нема алергиски реакции кои кај синтетиката можат да бидат фатални. Смртоносната доза на марихуаната е невозможно да се внесе во организмот (450 килограми во рок од 15 минути). Фармацијата се обиде да ја сврти работата во своја корист и создаде синтетички канабиноиди кои можат да се најдат како Marinol и Dronabinol, но истражувањата покажуваат дека синтетичките канабиноиди ни од далеку го немаат истиот ефект како природна марихуана. Самата марихуана го има совршениот хемиски баланс кој е невозможно да се постигне во лабораторија.

Можеби најзначајната работа која е првенствена причина за нејзиниот нелегален статус е таа што растение неможе да се брендира, лесно се одгледува и цената и е далеку под нивото на синтетиката. Всушност не е ни чудно што времето кога марихуаната станува нелегална е времето на подемот на современата фармацијата и хемиската индустрија воопшто. Факт е дека живееме во апсурден свет во кој синтетичките медикаменти, особено аналгетиците, антидепресивите и цитостатиците иако во голема мера штетни, неефективни и згора на се, ужасно скапи се легални и препорачани во третманот на пацинетите. И покрај тоа што знаеме каква алтернатива постои.

Ширум светот постои забрзан тренд на легализација на медицинската марихуана, но тоа не е некоја тајно разработена бизнис шема. Видливо е дека од легализираната медицинска марихуана профитираат само пациентите, но не и фармацијата и дилерите. Доколку стане легално пациент сам да си го одгледува својот лек, тогаш нелегалните дилери и пред се фармацијата губат огромни профити.

Не се работи за Harm Reduction, за профит се работи.

Ова нека биде своевиден апел до лекарската фела во Македонија, озбилно да се зафати за овој проблем, да се информира и пред се да ја информира јавноста за бенефитите од медицинската марихуана.

Како што е веќе на сите веројатно познато Аргентина уште минатата година ја декриминализира марихуаната за лична употреба. Но, во аргентинскиот случај, за нивна среќа политизацијата е целосно заобиколена. Целата приказна започнува со апсењето на неколку млади луѓе поради поседување 2-3 џоинти. На друштвото му се заканувала казна затвор, но по жалбата упатена до врховниот суд тие се ослободени што довело до низа верижни реакции во аргентинското законодавство. Исходот е декриминализација, а ова се зборовите на врховниот судија Рикардо Лоренцети:

- Секоја индивидуа е слободна во изборот на својот живот стил без интервенција на државата.

- Приватното однесување е слобододен избор на секоја индивидуа. Се додека тоа однесување не почне да претставува јавна опасност или опасност по трети лица државата нема право на интервенција.

- Државата не го одредува моралот на граѓаните.

И лично би додал:

- Секој човек има неприкосновено право на слободно и непречено истражување на содржините на својот ум.

- Секој човек има неприкосновено право на слободно конзумирање на растенија. Во спротивно, се коси со христијанството и Библијата:

Genesis 1.29: “God said, “See, I give you every seed-bearing plant that is upon all the earth, and every tree that has seed-bearing fruit; they shall be yours for food.”

Или можеби Бог згрешил, како што вели Бил Хикс:

- И на седмиот ден Бог се врти кон Земјата и извикува: “Ох не! Коноп насекаде! Упс!”

И по стоти пат. Марихуаната не се произведува. Марихуаната расте и е природна исто  колку и жалфијата, турскиот чај, нането и многу други тревки кои растат по ливадите.